Ea tauraoi ngkai te Otintaai Hotel n karikaki bwa te isolation center, ke te auti n kaokoroia aoraki, ngkai akea moa kaaina inanon te tai aio. E kukurei te MHMS n kataubobonga te Otintaai ibukin kabonganakina ngkana arona bwa iai kainanoana.
A butiaki te botannaomata bwa ana aki raraoma ao man nako nanoia ao man karaurau n iango ao n teimatoa n karaoi bwaai aika kam kakauringaki n aron:
Ngkana ko aoraki bwa kanga te flu ao koa riai n tiku n am auti bwa anne e kauarerekea butin te flu. Ko kona n tareboonia te onaoraki ngkana iai namakinan te flu ma te bono-n-ike iroum.
A kaungaki te koraki bwa ana aki roko nte onaoraki ma ana taninga kawarakia iaan aia auti ngkana a namakina te aoraki bwa e aonga n karako eweween te aoraki aio.
Nte tai aio, ao e karautaeka te MHMS bwa eaki tau ana masks inanon baina ibukia te bota n aomata ngkai a bon rotaki naba aaba ake a karaoaki te oota mai iai.
Ma e ngae n anne, ao a kaungaaki te botanaomata ba ana itui aia masks man kunikai aika a marau ao aikai ake ana kona naba n uaatiiaki ibukin manga kabonganakiia.
