Te Onaoraki ae boou Betio ibukia bikoukou ao ataei
New Betio Hospital -Maternity and Paediatrics Wards
E kukurei ni kaotia te Botaki ibukin te Mauri ao Katoki Aoraki bwa ea tia ni kaukaki mwakoro 1 n te Onaoraki ae boou i Betio ao n tauraoi n uki kabonganakina ibukia bikoukou ao ataei ake ana rin n te onaoraki, ni moa man 20 n Okitobwa 2025.
Ibukin ami rongorongo ao ena bon teimatoa ni waaki te mwakuri ni kuakua man te onaoraki rimoa ke te Old Betio Hospital are irarikin Temwanoku Primary School. Nte tai aio, bon ti bikoukou ao ataei aika ana mwaing nakon te Onaoraki ae boou.
Ibukin kanakoraoan te mwakuri n kuakua ao ai bon te tararua nakoia taan kabongana te Onaoraki ae boou, ao tii kukurei ni katanoata bwa iai kainibaire aika tia ni kaweneaki ibukin buokan te itera aio. E kakawaki irarikin nanon aio iroun te botannaomata ibukin kateimatoan raoiroin, itiakin te onaoraki ao butiraoin te mwakuri ni kuakua ibukimi ao ibukin te roro ae iaon kawaina.
Aikai kanoan te kainibaire:
- Ibukia ataei ake iaan 12 te ririki
- Ana bon bane n noraki moa nte Outpatients ke te Emergency n te onaoraki are n rimoa ke te Old Betio Hospital.
- Ngkana e baireaki iroun te Taokita bwa ena rin te ataei nte onaoraki ao anne are enang uotaki ngkanne nakon te Onaoraki ae boou.
- Ti temanna te caretaker ke ae ena ira te Aoraki ao akea te ataei riki ae kariaiakaki irina.
- Te caretaker ena iai ana pass ae ena anganaki ao ena kawakinna raoi. Te pass aio ena kainnanoia te caretaker ke te tia tararua te aoraki, ibukin kinaakina ao kariaiakakina inanon te onaoraki ao ena kabonganaaki naba ibukin te anai bwauna nte amwarake.
Ngkana e bua te pass ao ena iai te kabomwi ae $10.00.
- Ibukia bikoukou ake ana rin ni bung
- E nang toki te kabung nte Onaoraki rimoa ke te Old Betio Hospital ao ni karaoaki te mwakuri ni kuakua aio rinanon te New Betio Hospital. Ana kaineti nakon te onaoraki ae boou ao n tebotebo imwain te rin.
Akea te caretaker ae na tiku irarikin te bikoukou n rinna nte onaoraki. E ti kariaiakaki temanna te tia tararua ke te caretaker tii inanon te tai ni bung.
- Tain ao aron kawarakia Aoraki
- 12:00 pm to 1:00pm
- 6:30 pm to 7:30pm
- Ti temanna ae katauaki bwa ena rin ni kawara te Aoraki ao ngkana e otinako ao ena kona ni manga rin are imwina.
- Akea ataei iaan 12 te ririki ni katauaki bwa ana rin ni kawaria Aoraki.
- Tebobai ma te toobu ke te hand sanitizer imwain rinim ni kawara te Aoraki ao imwin kawaran te Aoraki.
- Ngkana iai angin te aoraki ke te Flu ao koaki kariaiakaki bwa kona rin n nora am Aoraki.
- Amwarake aika ana uotaki e ti katauaki nakon 1 te container ae iai matana.
- Nikaran te amwarake e na aki tiku inanon te onaoraki.
- Bwai aika e na uoti te Aoraki imwain ae rin nte onaoraki
- 1 nnen te amwarake ae iai matana ke te food container with lid
- 1 bwatoro/container nnen te mooi
- 1 raurau, 1 mwangko, 1 spoon
- Toilet paper
- Tooth brush – te bwai n ire wii
- Tooth paste – toobun te wii
- Toobu nte tebotebo
- Te shampoo
- Te bwa/ ke baby oil.
- Ti teuana te baeki n onea ae kariaiakaki
2 te green bag
- Bwaai aika a taburoroko nte onaoraki.
- Te electric fan
- Te laptop
- Te kie
- Te moko, te kouben, te moi manging, te nangkona.
Akea te uaati ao te katine kunikai inanon te onaoraki.
- Te aroaro inanon te onaoraki
- Akea te kaberoro are ana aki rau iai aoraki, nte maroro ke nte tareboon
- Te kakaitiaki ao te tebotebo nte ingabong ao te tairiki
- Kaitiaka mwim ni kabonganan te kainnakotaari
- E tabu te amwarake irouia aoraki inanon te ward.
- Te tabo n amwarake bon n te umwanikuuka. E kaungaki te kakamwakuri ao te nakonako.
- Ti Aoraki ake aki konamaki a kona n amwarake iaon aia kainiwene n ana kariaia te taokita.
- Irakin nanon te kainibaire. A na kona ni karokoaki bureitiman ngkana aki iraki nanon kainibaire aikai.
Kam rabwa ao ara bwai ma ngkami te Mauri, Te Raoi ao Te Tabomoa
Mairoun Te Minita, Tia Koroboki ao kain te Botaki n Makuri ibukin te Mauri ao Katoki Aoraki.
